ᐱᕕᒃᓴᕗᑦ
ᐱᓕᒻᒪᒃᓴᕐᕕᑯᓗᒃᐳᑦ Black box ᐃᑭᓚᐅᖅᐳᖅ. ᐃᓅᔪᓐᓃᕐᓂᖓ ᐃᓐᓇᕆᔭᑦᑕ ᓴᐃᒪᓐ ᖃᒪᓂᖅ. ᓵᙵᓪᓗᑕ ᖃᓪᓗᓈᑦ ᓄᓇᖓᓂᑦ ᐊᔪᕈᓐᓃᑲᓐᓂᖅᓴᕐᓂᕐᒧᑦ ᐱᔪᓐᓇᖅᑕᑦᑎᓐᓂᒃ ᐊᒻᒪᓗ ᓄᓇᒥ ᐱᓕᕆᐊᖃᑲᑕᖕᓃᑦ ᐃᒡᓗᓕᖕᒥ. ᖃᕋᓴᐅᔭᓕᕆᓂᕐᒧᑦ ᐱᔭᒃᓴᑦ ᐊᒻᒪᓗ ᖁᙱᐊᖅᑕᐅᒋᓪᓗᑕ ᐅᑐᐱᕆᐅᑎᓪᓗᒍ ᐃᖃᓗᖕᓂ. ᑕᓪᓕᒪᒋᓕᖅᖢᓂᐅᒃ ᐊᕐᕌᒍᑦ ᐃᓅᖃᑎᒌᑦ ᐱᓕᕆᐊᖅ. (ᕿᓚᐅᔾᔭᕐᓃᑦ ᑲᑕᔾᔭᐃᓃᓪᓗ ᐊᐅᓪᓛᖅᓯᒪᕝᕕᖕᒥ).
ᖁᙱᐊᖅᑎᑦᑎᓚᐅᖅᐳᒍᑦ ᐊᓱᕋ ᑳᐳᒥ, ᑲᓚᒻᐱᐊᒥ ᖁᙱᐊᖅᑎᑦᑎᔩᑦ ᑲᑐᔾᔨᖃᑎᖃᖅᖢᑎᒃ ᑲᓇᑕᒥ ᓴᓇᙳᐊᖃᕐᕕᖕᒥ. ᒪᒃᑯᒃᑑᒃ ᐊᖅᓯᒃᑯᓐᓂᒃ ᐃᓚᒋᔭᐅᖃᑕᐅᔫᒃ ᓯᐅᑎᓐ ᐊᒻᒪᓗ ᐋᓐᑕᓂ ᖁᙱᐊᖅᑎᑦᑎᓪᓗᑎᒃ ᑲᓇᑕᐅᑉ ᐊᖓᔪᖅᑳᖓᓄᑦ ᑐᕉᑑᒧᑦ. ᐅᖅᓱᖅᑑᒥ ᐃᓕᓐᓂᐊᖅᑎᑦᑎᓃᑦ ᐊᒻᒪᓗ ᑐᑯᒃᓴᐅᑎᑕᐅᓂᖓ ᓇᑦᑎᐅᑉ ᐱᓯᖓ ᐃᒡᓗᓕᖕᒥ ᐃᖃᓗᖕᓂᓗ. ᔭᐃᓐ ᑕᐹᑦᑎᐊᖅ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ. ᐃᓅᔪᓐᓃᕐᓂᖓ
ᐃᓐᓇᕆᔭᑦᑕ ᓲᓴᓐ ᐊᕕᙵᖅ.
ᐊᓂᒃᑳᖅ ᐊᑎᖃᖅᑐᖅ ᐅᓂᑦᑳᖅᑐᐊᖅ ᓴᖅᑭᑕᐅᑕᐃᓐᓇᖅᖢᓂ ᐊᕐᕌᒍᒐᓴᖕᓄᑦ ᐋᖅᑭᒋᐊᖅᑕᐅᑲᑕᓚᐅᖅᑎᓪᓗᒍ. ᐱᕙᒌᔭᐃᓂᖅ ᐅᐃᒃᓴᕆᖏᑕᕋᒥᒃ ᑕᕐᕆᔮᒃᓴᓕᐅᖅᑕᐅᓇᓱᒃᑎᓪᓗᒍ ᑭᖑᓪᓖᑦ ᑕᕐᕆᔭᐅᓯᐅᖅᑎᒃᑯᓐᓂ. ᔮᒃ ᑕᑦᓗ ᐊᒻᒪᓗ ᒨᓇ ᐃᓕᓱᕆ ᓂᐅᕐᕈᓪᓗᑎᒃ ᐃᒡᓗᓕᖕᒧᑦ. ᐱᕙᓪᓕᐊᔭᐅᓂᖓᑕ
ᑕᕐᕆᔮᒃᓴᖅ ᓇᑦᑎᐅᑉ ᐱᓯᖓ ᐊᒻᒪᓗ ᐳᓛᖅᑕᐅᓪᓗᑕ ᔩᓇ ᐴᕋᔅᒧᑦ ᐊᓄᕆ ᕿᓚᐅᔾᔭᖅᑎᒃᑯᓐᓂᓗ. ᓴᐃᒃ ᒪᓕᑭ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ.
ᖁᙱᐊᖅᑎᑦᑎᓪᓗᑕ ᑐᐸᐃ ᓄᓇᕐᔪᐊᒥ ᑕᑯᒃᓴᐅᑎᑦᑎᔨᒃᑯᑎᒍ. ᓯᕗᓪᓕᖅᐹᑦᑎᐊᒥᒃ ᖁᙱᐊᖅᑕᐅᓂᕗᑦ ᓄᕙᖕᓇᕐᔪᐊᓚᐅᖅᑎᓪᓗᒍ - ᓄᓇᕗᒻᒥ ᕿᒧᕐᓯᐅᔾᔪᐊᖅᑎᓪᓗᒋᑦ ᑕᑯᕋᓐᓈᖅᑎᑦᑎᓚᐅᖅᐳᒍᑦ ᐃᓚᐅᓪᓗᑎᒃ ᔭᓯᑲ ᐋᐱᓐ, ᒋᓱᓪ ᕿᑐᕐᖓᖏᓪᓗ. ᓯᕗᓪᓕᖅᐹᒥᒃ ᐃᖃᓗᖕᓂ ᖃᙱᐊᖅᑕᐅᕙᒃᑐᓄᑦ ᖁᙱᐊᖅᑎᑦᑎᑎᓪᓗᒋᑦ ᖁᙱᐊᖅᑕᐅᓚᐅᖅᐳᒍᑦ ᐅᐃᕖᒃᑯᑦ ᑲᑎᕝᕕᖓᓂ ᐊᒻᒪᓗ GNAF-ᑎᓪᓗᒋᑦ ᐃᓄᕕᖕᒥ. ᐊᔾᔨᓕᐊᕆᑲᑕᒃᖢᑕ ᑕᕐᕆᔮᒃᓴᐅᑉ ᑕᐅᑐᒃᑕᕗᑦ ᑕᐃᑲᓂ Black box−ᒥ ᐱᖃᑕᐅᓪᓗᓂ ᓘᓯ ᐅᔭᕋᒃ. ᐳᑐᒍᕐᒥᒃ ᑐᑭᓕᐊᖅᑐᒧᑦ
ᑕᕐᕆᔮᒃᓴᖅ.
ᓯᓚᒥ ᖁᙱᐊᖅᑕᐅᑎᑦᑎᓪᓗᑕ ᑕᐅᕕᒡᔪᐊᕐᒥ ᐃᓚᐅᓪᓗᑎᒃ ᑲᓇᑕᒥ ᓴᓇᙳᐊᖃᕐᕕᒃᑯᑦ (NAC). ᑲᓇᑕᐅᑉ ᐅᓪᓗᐊᓂ ᑕᑯᕋᓐᓈᖅᑎᑦᑎᓚᐅᖅᐳᒍᑦ ᑲᓇᑕᐅᑉ ᓴᓇᙳᐊᖃᕐᕕᖓᓂ ᑎᐅᕆ ᐅᔭᕋᒃ ᐃᓕᓴᖅᓯᐅᒪᑎᑦᑎᓪᓗᓂ ᓄᓇᖃᖅᑳᖅᓯᒪᔪᑦ ᐃᓗᕕᖃᕐᕕᕕᓂᖏᓐᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.
ᐅᓂᒃᑳᖅᑐᐊᑦ ᐱᔾᔪᑎᒋᓪᓗᑎᒃᑯᑦ ᐳᓚᕋᖃᑦᑕᓚᐅᖅᐳᒍᑦ ᑲᓇᑕᐅᑉ ᐊᑭᓐᓇᖅᐸᓯᐊᓂ. ᐊᖅᓯᖅ 20 ᐊᕐᕌᒍᓂᒃ ᓇᓪᓕᐅᓐᓂᖅᓯᐅᖅᑐᖅ! ᐃᑕᔅ ᐊᐅᒃᓴᖅ, ᐋᔅᓕ ᐊᑭᑦᑎᖅ, ᑕᐅᓕ ᐊᕐᓇᑦᑎᐊᖅ, ᐊᒻᒪᓗ ᑭᒻᐳᓕ ᕗᐊᑦ ᐃᓚᒋᔭᐅᖃᑕᐅᓕᖅᖢᑎᒃ ᐊᖅᓯᒃᑯᓐᓄᑦ ᒪᐃᔭ ᑯᒃᔅᓗ ᐃᒡᓗᓕᖕᒧᑦ ᓄᒃᑎᖅᖢᓂ. ᓄᕙᖕᓇᕐᔪᐊᖅ ᐱᒋᐊᕐᓂᖓ!
ᐅᓂᒃᑳᖅᑐᐊᑦ ᓴᓇᔭᐅᓂᖓ ᐃᒡᓗᓕᖕᒥ, ᒪᑐᕆᔮᒥ, ᐊᒻᒪᓗ ᐋᑐᕚᒥ. ᖁᙱᐊᖅᑎᑦᑎᓪᓗᑕ Venice Bienalle-ᒥ ᐊᒻᒪᓗ St. Johns ᓄᓇᕐᔪᐊᓕᒫᒥ ᖁᙱᐊᖅᑕᐅᕙᒃᑐᓄᑦ ᖁᙱᐊᖅᑎᑦᑎᑎᓪᓗᒋᑦ. ᓯᕗᓪᓕᖅᐹᒥᒃ ᑕᕐᕆᔭᖅᑎᑦᑎᓪᓗᑕ ᐊᑎᖃᖅᑐᒥᒃ ᐅᓂᒃᑳᖅᑐᐊᑦ ᐊᓕᐊᓇᐃᑦ ᖁᙱᐊᖅᑎᑦᑎᑎᓪᓗᒋᑦ.
ᓱᐃᑕᓐᒥᖔᖅᑐᖅ ᑕᕐᕆᔮᒃᓴᖅ (Stockholm) ᐊᒻᒪᓗ ᐃᒡᓘᒌᒃ ᑲᑐᔾᔨᖃᑎᒌᒃᖢᑎᒃ ᐃᓚᒋᔭᐅᓪᓗᑎᒃ ᒋᓱᓪ ᐊᒻᒪᓗ ᔨᐅᕋᒥ ᕌᐳᑦ.
ᐱᕙᓪᓕᐊᑎᑦᑏᓐᓇᖅᖢᑕ Blackbox ᐱᓕᕆᐊᒃᓴᒥᒃ (ᐱᓕᕆᐊᖅ ᖁᙱᐊᖅᑎᑦᑎᓂᕐᒧᑦ ᐃᓕᓐᓂᐊᖅᑎᑦᑎᓂᖅ) ᕙᓂᓴ ᓃᔪ ᐃᒡᓗᓕᖕᒧᑦ ᑎᑭᖢᓂ. ᐃᓕᓐᓂᐊᖅᑎᑦᑎᓃᑦ ᐊᒻᒪᓗ ᑕᕐᕆᔮᒃᓴᓂᑦ ᑕᑯᒃᓴᐅᑎᑦᑎᓃᑦ ᐅᑭᐅᖅᑕᖅᑐᒥ ᖁᕕᐊᓲᑎᖃᖅᑎᓪᓗᒋᑦ ᓯᑳᑦᓕᓐᒥ. ᓴᖅᑭᑕᐅᓂᖓ ᐃᒡᓗᓕᖕᒥ ᓂᖅᖠᐊᒐᒃᓴᓄᑦ ᕿᒥᕈᐊᒐᖅ ᐊᑎᖃᖅᖢᓂ ᓂᖅᖠᐊᕐᓂᖅ. ᓖᕕ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓂᑦ.
ᑲᓛᐸᓐᑎ ᐃᒡᓗᓕᖕᒧᐊᓚᐅᖅᐳᖅ ᐊᒻᒪᓗ Circus without borders-ᑯᑦ ᑕᕐᕆᔮᒃᓴᓕᐅᖅᑎᒃᑯᑦ ᓯᕗᓕᖅᑎᖓ. ᑲᔪᓯᑎᖢᑎᒃᑯᑦ Blackbox, ᓄᓇᒥ ᐱᓕᕆᓃᑦ, ᐊᒻᒪᓗ ᑕᕐᕆᔮᒃᓴᓕᐅᕐᓂᕐᒧᑦ ᐱᓕᕆᐊᑦ.
ᒋᓱᓪ ᕼᐊᓄᕆᑦ ᓯᐳᓪᓕᖅᐹᒥᒃ ᑲᑐᔾᔨᖃᑎᖃᕐᓂᖓ ᐊᖅᓯᒃᑯᓐᓂᑦ. ᐱᒋᐊᕐᓂᖓ ᐅᓂᒃᑳᖅᑐᐊᖅ ᑲᑐᔾᔨᖃᑎᖃᕐᓂᒃᑯᑦ ᑕᖅᑯᒃᑯᓐᓂᑦ ᐊᒻᒪᓗ 7 ᐃᓄᒐᙳᐊᑦ.
ᐃᑦᑐᒃᓵᕐᔪᐊᑦ ᖃᓪᓗᓈᑦ ᓄᓇᖓᓄᑦ ᓄᑦᑎᖅᖢᓂ. ᐱᖃᓐᓇᕆᔭᕗᑦ ᐊᖅᓯᒃᑯᓐᓄᓗ ᐃᓚᒋᔭᐅᖃᑕᐅᔪᖅ ᔫᐃ ᐃᓅᔪᓐᓃᓚᐅᖅᐳᖅ. ᐱᒋᐊᖅᖢᑎᕗᑦ ᑭᒃᑯᑭᐊᖅ ᐅᓂᒃᑳᖅ. ᐊᕐᕌᒍᑕᒫᖅ ᑮᓇᐅᔭᖃᖅᑎᑦᑎᖃᑦᑕᓕᓚᐅᖅᐳᒍᑦ ᖁᙱᐊᖅᑎᑦᑎᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ Black box-ᑯᑎᒍ ᐱᓕᕆᐊᖑᔪᒥ. ᑕᓪᓕᒪᑦ ᐋᕐᕌᒎᒋᓕᖅᖢᓂᐅᒃ ᓄᓇᖅᐹ, ᐊᐅᔭᒃᑯᑦ ᑐᒃᑐᓯᐅᓂᖅ ᐱᓕᕆᐊᖅ. ᓯᕿᓂᖅ ᑕᐅᖅᓰᕐᓂᖅ ᐃᒡᓗᓕᖕᒥ.
ᓯᕗᓪᓕᖅᐹᒥᒃ ᓂᐱᓕᐅᕆᓚᐅᑐᒍᑦ ᑭᒃᑯᑭᐊᖅ ᐃᙱᐅᓯᖓᓂᒃ. ᖁᙱᐊᖅᑎᑦᑎᓚᐅᖅᐳᒍᑦ ᐅᑭᐅᖅᑕᖅᑐᒥ
ᑕᑯᕋᓐᓈᖅᑎᑦᑎᑎᓪᓗᒋᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐅᓪᓗᐊᓄᑦ ᓴᖅᑭᔮᖅᑎᑕᐅᓪᓗᑕ ᓄᓇᖃᖅᑳᖅᓯᒪᔪᑦ
ᑕᓚᕖᓴᖏᒍᑦ. ᕙᓂᓴ ᓃᔪ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ. ᓴᓇᓯᒋᐊᖅᖢᑕ ᑕᕐᕆᔮᒃᓴᕐᒥᒃ ᐊᑎᖃᖅᑐᒥᒃ
ᐊᓯᐅ (Lost), ᑐᙵᕕᖃᖅᑐᒥᒃ ᐃᓄᐃᑦ ᐅᓂᒃᑳᖅᑐᐊᖓᓂᒃ ᐊᒪᖁᑉ ᓄᓈᑦ (The land of the Wolves)
ᐱᔾᔪᑎᖃᖅᑐᖅ ᒪᕐᕉᒃ ᓄᑲᕇᒃ ᐊᓯᐅᓯᒪᔫᒃ ᓇᓗᓇᖅᑐᒥ ᑕᕐᕋᐃᑦ ᐃᓄᖏᑕ ᓄᓇᕐᔪᐊᖓᓂ.
ᒪᑐᐃᖅᓯᓪᓚᕆᒃᖢᑕ ᐃᓂᒋᔭᑦᑎᓐᓂᒃ Blackbox-ᒥᒃ, ᐱᓕᒻᒪᒃᓴᕐᕕᕗᑦ ᖁᙱᐊᖅᑕᐅᕕᒡᕗᓪᓗ ᐃᒡᓗᓕᖕᒥ. ᖁᙱᐊᖅᑕᐅᓚᐅᖅᐳᒍᑦ ᐱᐅᕆᔅᒥ ᕗᕌᓐᓯᐅᑉ ᓄᓇᖓᓂ ᐊᒻᒪᓗ ᐋᓐᓯ ᐃᓄᐃᑦ ᖁᙱᐊᖅᑎᑦᑎᑎᓪᓗᒋᑦ (ᑕᐃᑲᓂ ᐃᒻᒧᒃᓯᐅᒐᓄᑦ ᖁᙱᐊᖅᑎᑦᑎᓚᐅᖅᑐᒍᑦ). ᓰᖅ ᐃᓪᕚᔅ ᓄᓇᕗᒻᒧ ᑎᑭᓚᐅᖅᑐᖅ ᖁᙱᐊᖅᑎᑦᑎᔭᖅᑐᖅᖢᓂ ᐃᒡᓗᓕᖕᒧᑦ ᐊᒻᒪᓗ ᐊᓕᐊᓇᐃᒃᑯᓐᓄᑦ. ᖁᙱᐊᑎᑦᑎᓚᐅᖅᐳᒍᑦ ᑯᐃᓐ 60 ᐊᕐᕌᒍᓄᑦ ᐊᖓᔪᖅᑳᕐᔪᐊᖑᓂᖓᓄ ᖁᕕᐊᓱᖃᑎᒌᒃᑎᓪᓗᒋᑦ ᕗᐃᓐᓱ ᑳᓱᒥᑦ, ᓚᓐᑕᓐ ᓄᓇᖓᓂ. ᐅᕙᖓ ᑕᕐᕆᔮᒃᓴᓕᐊᕆᓚᐅᖅᐸᕗᖅ ᐃᑲᔪᖅᑎᒌᖃᑎᒋᓪᓗᑎᕗᑦ ᐊᕐᓇᐃᑦ ᐋᖅᑭᒃᓱᐃᔨᖏᑦ.
NAIP ᑕᐅᒃᓰᕐᓃᑦ ᐊᒻᒪᓗ ᓅᒃ, ᑲᓛᖡᑦ ᓄᓈᓐᓂ ᓴᓇᙳᐊᖅᑏᑦ ᐃᒡᓗᓕᖕᒧᑦ. ᑐᓗᒐᖅ ᑕᕐᕆᔮᒃᓴᖅ. ᐱᖃᓐᓇᕆᔭᕗᑦ ᐊᖅᓯᒃᑯᓐᓄᓗ ᐃᓚᒋᔭᐅᖃᑕᐅᔪᖅ ᓵᓚᒪᓐ ᐃᓅᔪᓐᓃᓚᐅᖅᐳᖅ, ᐊᒻᒪᓗ ᑕᕐᕆᔮᓴᓕᐅᖅᖢᑕ ᓵᓚᒪᓐᒥᑦ ᐃᖅᑲᐅᒪᔾᔪᑎᒃᓴᒥᒃ.
ᖁᙱᐊᖅᑎᑦᑎᓚᐅᖅᐳᒍᑦ ᕚᓐᑰᕙᒥ ᐱᙳᐊᕕᔾᔪᐊᖅᑎᓪᓗᒋᑦ ᐃᓚᒋᔭᐅᓪᓗᑕ ᓄᓇᕗᒻᒥ ᑭᒡᒐᖅᑐᐃᓂᕐᒧᑦ ᐊᒻᒪᓗ ᐊᐅᓪᓚᖅᖢᑕ ᑳᓇᑯᕇᒧᑦ, ᒋᓇᐃᒧᑦ, ᑐᓘᓯᒧᑦ, ᕗᕌᓐᓯᒧᑦ ᐊᒻᒪᓗ ᓅᒻᒧᑦ, ᑲᓛᖡᑦ ᓄᓈᓐᓂ. ᑕᕐᕆᔮᒃᓴᓕᐅᖅᑕᕗᑦ circus without borders ᐱᒋᐊᖅᖢᓂ. ᓄᓇᒥᑦ ᐱᓕᕆᐊᒃᓴᑦ. ᓂᐱᓕᐅᖅᖢᑎᒃᑯᑦ ᐃᒡᓗᓕᖕᒥ ᓴᓇᔭᐅᓯᒪᔪᖅ ᕿᓪᓕᖅᑐᖅ. ᓄᓇᕐᔪᐊᒧᑦ ᑕᐅᑐᒃᑕᐅᔭᒃᓴᕐᒥᒃ ᑕᕐᕆᔮᒃᓴᖅ: ᐊᖅᓯᖅ : ᑲᓇᑕᒥ
ᐃᓄᐃᑦ ᖁᙱᐊᖅᑎᑦᑎᔩᑦ. ᐱᑕᖃᖏᑦᑐᖅ (ᓄᓇᕗᑦ), ᓯᓚᐅᑉ ᐅᖅᑰᓯᕙᓪᓕᐊᓂᖓ ᓱᒃᑲᔪᐊᓗᒃ, ᑭᓯᐊᓂ ᐃᓄᖏᑦ ᓱᖏᐅᑎᔪᒪᑦᑎᐊᖅᑐᑦ ᐊᓯᔾᔨᖅᐸᓪᓕᐊᔪᒧᑦ ᐊᑐᕐᓗᑎᒃ ᓯᕗᓕᕆᓚᐅᖅᑕᖏᑕ ᐊᓐᓇᐅᒪᔪᓐᓇᕈᑎᒋᓚᐅᑕᖏᓐᓂᒃ ᐊᒻᒪᓗ ᓴᓇᔪᓐᓇᓚᐅᖅᑕᖏᓂᒃ. ᑕᐅᑐᒍᒃ ᑕᕐᕆᔮᒃᓴᖅ.
ᓴᓇᓚᐅᖅᐳᒍᑦ ᐃᓂᒃᓴᒥᒃ Blackbox-ᖑᓂᕋᖅᑕᑦᑎᓐᓂᒃ, ᐱᓕᒻᒪᓴᕐᕕᑦᑖᕆᐅᖅᖢᑕ ᑰᓕᖕᕕᕕᓂᐅᓚᐅᖅᑐᒥᒃ ᓄᓇᓕᐅᑉ ᓯᐊᕆᔮᕐᕕᖓᓂ, ᒪᑐᐃᖅᓯᓪᓗᑕᓗ ᑭᑉᓯᒐᒃ ᑳᐱᑖᕐᕕᖕᒥ. ᑲᖏᖅᑐᒑᐱᖕᒧᑦ, ᒥᑦᑎᒪᑕᓕᖕᒧᓪᓗ ᐊᖅᓯᖅ ᓄᒃᑕᕐᓂᖅ ᓯᑭᑑᒃᑯᑦ. ᖁᙱᐊᖅᑎᑦᑎᓪᓗᑕ ᐃᖃᓗᒃᑑᑦᑎᐊᒥ, ᐃᓅᕕᖕᒥᓗ GNAF-ᑯᑦ ᖁᙱᐊᖅᑎᑦᑎᑎᓪᓗᒋᑦ, Kilkis Puppet-ᑯᑦ ᖁᙱᐊᖅᑎᑦᑎᑎᓪᓗᒋᓗ ᑯᕇᔅᒥ ᐊᒻᒪᓗ ᐱᐅᕆᔅᒥ.
Fibonacci ᐱᓕᕆᐊᖅ 7-ᓄᑦ ᐃᓄᒐᙳᐊᓄᑦ ᐊᒻᒪᓗ Cirkodemente ᐃᒡᓗᓕᖕᒥ, ᒪᓐᑐᕆᐊᒥ ᐊᒻᒪᓗ ᒪᒃᓯᑰᒥ. ᖁᙱᐊᖅᑎᑦᑎᓪᓗᑕ ᕗᕌᓐᓯᒥ ᑎᒻᒧᒃᑑᒥᓗ, ᐊᒻᒪᓗ ᓂᐱᓕᐅᕆᓪᓗᑕ ᐊᖅᓯᖅ ᐃᙱᐅᓯᖏᓐᓂ ᕿᓪᓕᖅᑐᒃᑯᑦ. ᑕᐃᒥᔭᓐ ᑐᓗᒑᕐᔪᒃ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ. ᑎᒻᒧᒃᑑᒧᑐᖄᓗᒃ: ᐅᓐᓂᑳᖅ ᐊᑐᕐᓂᕆᔭᐅᓚᐅᖅᑐᖅ ᐅᑭᐅᖅᑕᖅᑐᒥᑦ ᑎᒻᒧᒃᑑᒧᑦ, ᖁᙱᐊᖅᑎᑦᑎᔭᖅᑐᕐᓂᕐᒧᑦ. ᐊᖅᓯᖅ ᐊᒻᒪᓗ ᐊᕐᓇᐃᑦ ᖁᙱᐊᖅᑎᑦᑎᓪᓗᑎᒃ ᑕᓕᐅ ᑏ ᑳᔅᑑᒥ, ᐅᐊᓯᒃ ᓄᓇᖓᓂ.
ᐊᖅᓯᒃᑯᑦ ᐃᓚᒌᖏᑦ ᒪᓐᑐᕆᐊᒨᓚᐅᖅᐳᑦ ᐱᓕᒻᒪᒃᓴᖅᑎᑕᐅᔭᖅᑐᖅᖢᑎᒃ ᓰᖅ ᐃᓗᐃᔅᑯᓐᓄᑦ. ᓄᓇᕕᖕᒥ ᐳᓚᕋᑲᑕᒃᖢᑎᒃ ᑕᑯᕋᓐᓈᖅᑎᑦᑎᓗᑎᒡᓗ ᒪᓐᑑᕆ, ᒪᒃᓯᑰ ᓄᓇᖓᓂ. ᐊᒥᓱᓂᒃ ᑕᕐᕆᔮᒃᓴᓕᐅᕐᓂᕐᒧᑦ ᐱᓕᕆᐊᖃᑲᑕᒃᖢᑕ! ᐃᔅᓴᐃᑦᑐᖅ (Waterproof) ᐅᓂᒃᑳᖅᑐᐊᖅ ᒪᒃᑯᒃᑐᒥᒃ ᐃᓄᖕᒥᒃ ᐊᓯᐅᔨᔪᖅ ᓇᒡᓕᒋᔭᒥᓂᒃ. ᐃᒥᐊᓗᖕᒥᑦ ᐊᑐᖅᖢᓂ, ᐱᓪᓚᑦᑖᒥᒃ ᐊᒻᒪᓗ ᑭᖑᓂᕆᓚᐅᖅᑕᒥᓂᒃ ᕿᒪᐃᓇᓱᒃᑐᖅ, ᑭᓯᐊᓂ ᑭᖑᓂᕆᓚᐅᖅᑕᖓ ᒪᓕᒃᓴᐃᓐᓇᖅᖢᓂ. ᒫᓐᓇ (Now), ᒪᒃᑯᒃᑐᖅ ᐃᓄᒃ, ᐅᔾᔨᕈᓱᒃᑐᖅ ᓯᓚ ᐅᖅᑰᓯᕙᓪᓕᐊᓂᖓᓂᒃ ᐊᒻᒪᓗ ᐊᒃᑐᐊᓂᖓᓂᒃ ᓄᓇᓕᖓᓄᑦ, ᒥᒃᖠᕚᓪᓕᖅᑎᑦᑎᔪᒪᓪᓗᓂ ᐆᒻᒪᖁᑎᓂᒃ ᐊᑐᕐᓂᕐᒥᒃ ᓄᓇᓕᖓᓄᑦ. ᑳᕋ ᑏ ᓴᑕᐅᓗ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ.
ᐊᕐᕌᒎᑉ ᐃᓗᐊᓂ ᓯᕗᓪᓕᖅᐹᖅᓱᑲᑕᖕᓃᑦ! ᓯᕗᓪᓕᖅᐹᑦᑎᐊᒥᒃ ᑕᑯᕋᓈᖅᑎᑦᑎᓚᐅᖅᐳᒍᑦ ᐃᒡᓗᓕᖕᒥ ᐊᒻᒪᓗ ᖁᙱᐊᖅᑎᑦᑎᓚᐅᕆᓪᓗᑕ ᐊᓕᐊᓇᑦ ᑕᑯᕋᓐᓈᖅᑎᑦᑎᑎᓪᓗᒋᑦ ᑕᐃᒻᒪᙵᓂᑦ ᐊᕐᕌᒍᑕᒫᖅ ᖁᙱᐊᖅᑎᑦᑎᖃᑦᑕᓕᖅᖢᑕ. ᓯᕗᓪᓕᖅᐹᑦᑎᐊᒥᒃ ᓄᓇᕐᔪᐊᓕᒫᒥ ᖁᙱᐊᖅᑎᑦᑎᓚᐅᕆᕗᒍᑦ ᓄᓇᖃᖅᖢᑕ ᑕᑉᓕᓐᒥ ᐊᐃᕈᓚᓐᒥᓗ ᐃᓚᒋᔭᐅᖃᑕᐅᓪᓗᑎᒃ ᑎᐅᕆᒃ ᕼᐊᐃᑕᓐ ᐊᒻᒪᓗ ᐃᑦᑐᒃᓵᕐᔪᐊᑦ
ᐊᑐᕆᐅᓚᐅᕆᓪᓗᑎᕗᓪᓗ ᓇᓄᕋᖅ ᐊᓐᓄᕌᖅ. ᐳᐃᔾᔪᕌᕐᕕᑐᖃᖅ ᐃᓂᒋᓕᓚᐅᖅᐸᕗᑦ ᐱᓕᒻᒪᒃᓴᕐᕕᒃᑖᕆᓪᓗᑎᕗᑦ ᖁᙱᐊᖅᑕᐅᕕᒃᑖᕆᓪᓗᑎᕗᓪᓗ. ᐊᖅᓯᖅ: ᐸᓂᐊᖅ ᐅᖃᐅᔾᔪᐃᔪᖅ ᒪᑯᒃᑐᓂᒃ ᓴᓇᖑᐊᖅᑎᓂᒃ ᐅᓂᒃᑳᖅ. ᐊᕐᕌᒍᑕᒫᖅ ᓄᓇᒥᑦ ᐱᓕᕆᖃᑦᑕᓕᓚᐅᖅᐳᒍᑦ ᐊᒻᒪᓗ ᑲᑐᔾᔨᖃᑎᖃᐃᓐᓇᖅᖢᑕ ᑕᕐᕆᔮᒃᓴᓕᐅᕐᓂᕐᒥᒃ ᐃᓱᒪ ᑕᕐᕆᔮᒃᓴᓕᐅᖅᑎᒃᑯᓐᓂᑦ. ᑎᐅᕆ ᐅᔭᕋᒃ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ. ᓇᐃᑦᑐᖅ ᐊᓐᓂᑳᓕᐊᖑᓯᒪᔪᖅ ᓴᓇᔭᐅᔪᖅ ᓵᓚᒪᓐ ᐅᔭᕋᓱᖕᒧᑦ ᒪᒃᑯᒃᑐᑦ ᐱᓕᒻᒪᒃᓇᖅᑎᓪᓗᒋᑦ
ᖁᙱᐊᖅᑕᐅᔪᒃᓴᖏᓐᓄᑦ ᐃᒡᓗᓕᖕᒥᑦ.
ᐃᑦᑐᒃᓵᕐᔪᐊᑦ ᐃᒡᓗᓕᖕᒧᑦ ᓄᒃᑎᖅᖢᓂ ᕼᐋᓗᕖᕐᓇᒃᑯᑦ ᐊᒻᒪᓗ ᑐᙵᓱᒃᑎᑦᑎᓪᓗᓂ ᓯᐸᑭᑎᓕᐅᕐᓂᒃᑯᑦ ᐊᖅᓯᖅ ᐃᓚᒌᓄᑦ. ᐳᕉᓕᐊᖅᓯᒪᓚᐅᖅᐳᑦ ᐊᖅᓯᒃᑯᑦ Amazonia ᐱᓕᕆᐊᒃᓴᒧᑦ.
ᓂᑮᑕ ᐅᖔᓛᖅ, ᔮᑭ ᖁᓐᓄᖅ, ᑕᐃᓯ ᖃᒨᒃᑲᖅ, ᕇᓇ ᖁᓕᑦᑕᓕᒃ ᐊᒻᒪᓗ ᔭᓂ ᐊᑕᒍᑦᑎᐊᖅ ᐃᓚᒋᔭᐅᖃᑕᐅᓕᖅᖢᑎᒃ ᐊᖅᓯᒃᑯᓐᓄᑦ.
ᐃᓄᐃᑦ ᑎᑕᒃᑎᖏᑦ ᓴᓇᔭᐅᓂᖓ “The Eskiez” ᐃᓅᓯᕗᑦ − The Eskiez ᑕᕐᕆᔮᒃᓴᖅ. ᑲᐅᒡᔭᒡᔪᒃ ᓴᓇᔭᐅᑎᓪᓗᒍ ᑕᕐᕆᔮᒃᓴᓕᐅᖅᑕᐅᔪᖅ ᓯᖅᑭᑕᐅᓪᓗᓂ ᑕᑯᒃᓴᐅᑎᑕᐅᓪᓗᓂᓗ ᐃᒡᓗᓕᖕᒥ. ᔨᒥ ᖃᒨᒃᑲᖅ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ.
ᑲᐅᒡᔭᒡᔪᒃ ᑕᑯᕋᓐᓈᖅᑕᐅᔭᒃᓴᖅ ᖁᙱᐊᖅᑕᐅᔭᒃᓴᕐᓗ ᐱᓕᕆᐊᖑᓕᖅᖢᓂ (ᓴᓇᔭᐅᔪᖅ ᓘᓯᒧᑦ, ᓕᐊ, ᔭᓇᕖᕝ, ᓚᐅᕋᑎ ᐊᒻᒪᓗ ᐃᑦᑐᒃᓵᕐᔪᐊᒧᑦ).
ᓇᑐᕋᓕᒃ ᐱᓕᕆᐊᖑᓕᖅᖢᓂ
ᓈᕐᔪᖅ ᑕᕐᕆᔮᒃᓴᓕᐅᖅᑕᐅᕙᓪᓕᐊᓂᖓ. ᓯᕗᓪᓖᑦ ᒪᒃᑯᒃᑐᑦ ᐃᓄᐃᑦ ᖃᓪᓗᓈᑦ ᓄᓇᖓᓄᑦ ᐊᐅᓪᓚᖅᖢᑎᒃ ᐱᓕᒻᒪᒃᓴᕆᐊᕐᓂᕐᒧᑦ. ᑎᐅᕆᒃ ᐊᕿᐊᕈᖅ ᐃᓚᒋᔭᐅᖃᑕᐅᓕᖅᖢᓂ ᐊᖅᓯᒃᑯᓐᓄᑦ.
6 ᐃᓕᓐᓂᐊᖅᑏᑦ ᐅᑎᖅᖢᑎᒃ ᐃᒡᓗᓕᖕᒧᑦ ᓄᓇᒥᑦ ᖁᙱᐊᖅᑕᐅᔪᒃᓴᒥᒃ ᓴᓇᓪᓗᑎᒃ ᐱᓕᕆᖃᑎᖃᖅᖢᑎᒃ ᐃᓱᒪ ᐋᖅᑭᒃᓱᐃᔨᒃᑯᓐᓂ.
ᐊᖅᓯᖅ ᖁᙱᐊᖅᑕᐅᓂᕐᒧᑦ ᐅᓂᒃᑳᓕᐊᖑᓂᖓ (ᓯᕗᓪᓖᑦ 6 ᐃᓕᓐᓂᐊᑏᑦ ᑲᓇᑕᒥ ᖁᙱᐊᖅᑕᐅᓂᕐᒧᑦ ᐃᓕᓐᓂᐊᕐᕕᖕᒥᖔᖅᑐᑦ ᓂᐅᕐᕈᓪᓗᑎᒃ ᐃᒡᓗᓕᖕᒧᑦ, ᓄᓇᒥᑦ ᖁᙱᐊᖅᑕᐅᔪᒃᓴᒥᒃ ᐋᖅᑭᒃᓱᐃᓂᖅ ᐊᒻᒪᓗ ᑕᑯᒃᓴᐅᑎᑦᑎᓂᖅ ᑕᑯᕋᓐᓈᖅᑎᑦᑎᔪᓂᒃ ᓄᓇᓕᖕᒧ)
ᐱᒋᐊᕐᓂᖓᑕ ᐃᓅᓯᖅ ᐊᒻᒪᓗ ᑕᕐᕆᔮᒃᓴᓕᐅᕐᓂᕐᒥᒃ ᐱᓕᕆᐊᖃᕐᓂᖅ.